دجاج معمر بالأرز ومحمر في الفرن
المقادير :
دجاجة كبيرة من جحم 2 كلغ
بصلة متوسطة مفرومة مربعات صغيرة جدا
نصف كأس زيت لعود
ملعقة زنجبيل طري
نصف ملعقة فلفل أبيض اوأسود
ملعقة (بسيبيسة ونويويرة قعقلة ) هاد العطرية كنشريها ونطحنها ونخلطها هي سر بنة طياب مكنستغناش عليها
3 أو 4 فصوص ثوم مدقوقة مع الملح
زعفران شعرة
ملح
القزبور و المعدنوس
ملعقة السمن
حامضة مصبرة
طريقة :
كنوجدو شرمولة بعدما غسلنا دجاجة ونخليوها تسقطر كنخلطو لعطرية ولب ديال حامض مكرد مع ربيع وثومة وسمن وزعفران ونخلطوهم مع شوية لماء تكون لخطة ثقيلة وندهنو بيها دجاجة من برا من لداخل ومن جناب لفخاد.. ونثقبو دجاجة بفرشيط باش لعطرية دخل ليها و نخليها ليلة كاملة فثلاجة ..
لغد ليه طيبت روز كلاصي وصفيتو و خديت بصلة صغيرة مقطعة شحرتها مع قشاوش دجاج ودرت نفس العطرية لي درت لدجاج مع شوية لما حتى طابو ودرت نص ضامة البنة دجاج وزيتون مقطع وخلطتهم فروز وعمرت دجاجة وخيطتها وربطت ليها رجيلاتها مسكينة هههه
وخديت طنجرة عملت فيها بصلة متوسطة مقطعة قطع رقيقة و صغيرة ونص كاس زيت لعود ومعلقة سمن ونشحروهم شوية وندير كاس دلماء و حزمة ديال لقزبور و نخليوه على عافية مهيلة و بعدما طيب دجاجة وتكن لمرقة خاترة نحيدو دجاجة و نضيفو وحد ضامة زعفران و كنور دجاج الى بغتوها أما هو بنين بها أولى بلاها غي فالأعراس ضروري كيديروها فاش نطفيو لعافية على المرقة كنخدو دجاجة ندهنوها بزبدة أو سمن مخلطة مم ضامة زعفران وندخلوا لفرن تحمر وعند تقديم كنحيدو ليه لخيوط بشوية وبصحة و راحة...
تعليقات
إرسال تعليق