الدرس الخامس والاخير /تعلم الكيك ديزاين

 تعلم الكيك ديزاين مع أسماء

هدا الجدول يبين قياس عجين السكر حسب قياس قطر الكيك بارتفاع 10 سنتيم 

🔴الدرس الخامس والاخير

تغليف الكيك بعجين السكر 

اول حاجة لازم الكيك يكون بحرارة الجو وليس بارد لكي لا تتعرق عجين السكر 

قبل التغليف ضروري تليين عجين سكر باش متكسرش لينا وكل نصائح لي خاصك تعرفيها هنا 👈https://youtu.be/kNTwwsh2ZgY

طريقة تغليف موضحة في الفيديو 👇

ملاحظة الفيديو قديم شوي وتغليف سهل المبتدئات فقط لكنالكن بهطبه معلومات لازم تعرفوهاتعرفها اما التغليف بطريقة محترفة غتشوفوها فقناتي ان شاء الله او شوفو اليوتيوب فيه عدة طرق 

https://youtu.be/uoewd0mVlBQ

الدرس الرابع/ تعلم الكيك ديزاين مع أسماء

تعلم الكيك ديزاين مع أسماء

🔴 الدرس الرابع

تغليف الكيك بلغناش

ضروري من تغليف لكيك ديزاين بلكناش هو لي كخلي عجين سكر تبان بملمس ناعم وكتجي لكيك منضمة و متقونة وبالخصوص إلى بغينا نعملوها بحواف حادة وممكن ايضا تغلفوه بكريمة زبدة ولكن انا كنفضل الجناش كيجي احسن 

والكيك اذا كان جامد لازم تخليوه أطلق الما مزيان قبل التغليف بالكناش لتفادي تشقق الكناش 

هاد الجدول فيه مكونات كناش التغليف حسب قياس قطر الكيك لارتفاع 10 سنتيم والمكونات بشوكولا غيش ممتاز وليس بديل الشوكولا

طريقة جناش اقتصادي ببديل شوكولا وشوكولا ممتاز

https://youtu.be/eQIP4Tg6keg

طريقة جناش ببديل شوكولا 

https://youtu.be/iJZWl9E6IvI

طريقة تغليف في فالفيديو

https://youtu.be/xWexg_ITeTA

  

الدرس الثالث /تعلم الكيك ديزاين مع أسماء

 درس التعلم الكيك ديزاين مع أسماء

🔴درس الثالت /مونطاج الكيك

باش تجيك لكيك مقادة لازم تمونطيوها وسط لمول عالي أولا الإطار كما فصورة ودخلوها المجمد بلمول ديالها حتا تاخد لفورمة ديال لمول عاد زولوها الطريقة كما فصور أو دخلو شوفو

فيديو ديال لاير كيك 👇👇

https://youtu.be/BLDJC7vePys

 لفيديو ديال لحنة كفاش مونطيت فيه لكيك ديزاين 👇👇

https://youtu.be/i3qpc6zefQ8

إلى معندكش لمول لي كتحل امكن ليكم تاخدو لمول لي طيبتو فيه لجينواز وتغلفوه بسولوفان مزيان عاد مونطيو لكيك ويلى لمول مكانش عالي وبغيت تخدمو كيك عالي غديرو بلاستيك (رودويد) الخاص ب مونطاج لكيك هو لي فصورة كتباع بلعبار أو رولو عند بائع لوازم الحلويات و مني تجمد لكيك عاد يمكن ليكم تزولوه 

 ندوزو الطريقة 

بالنسبة لمونطاج كيك ديزاين كنسقيو لجنواز بسيرو منكه بنكهة لي بغيتو  ميكونش حلو إلى كان حلو زيدو ليه لما أو سقيوها بعصير ليمون أو مشروب غازي ومن الأحسن تفاداو لحليب باش ميوقعش شي تسمم أو ممكن تفيضوه عاد تسقيو بيه كما قلت ليكم لكيك ديزاين كبقا برا ثلاجة مدة طويلة

بعدما كنسقيو لكيك كتحطو طبقة من لكريمة لكريمة تقدرو ديرو زوج انواع من لكريمة كل وحدة فطبقة باش تكون لكيك بجوج نكهات نفس شيء الجنواز غتشوفوني كنديرها فلي فيديو بزاف 

إلى كنتو مقطعين لجنواز غليضة غتكون طبقة الكريمة قدها فسمك ويلا كانت رقيقة نفس شئ دائما خدمو على هاد الطريقة باش لكيك مايجيج ناشف 

فوق من الكريمة كنوضعو الطبقة المقرمشة لي كنحط ليكم دائما فلي فيديو ديالو غتكونو حفضتوها فويتين مع البراليني و شوكولا أو تحمرو اي مكسرات وتهرمشوهم وتوضع هم فوق لكريمة أو أي شوكولا ممتاز أو بيسكوي هادو كاملين كيعطيو واحد لمسة وسط لكيك مني كنتذوقوه

هاكا كنبقاو غادين فلمونطاج بنفس الطريقة طبقة جنواز طبقة كريمة و القرمشة ودائما كنضغطو على الوسط ديال لكيك باش ايجي مسطح ومقاد و فالاخير نغلفوه بسولوفان وندخلوها لمجمد الطريقة هنا 👇

 https://youtu.be/rEiNtbKHeM0

طريقة المقرمشة👇

https://youtu.be/u1ckFHYKlIY

الدرس الثاني/تعلم الكيك ديزاين مع أسماء

 تعلم الكيك ديزاين مع أسماء 

🔴الدرس الثاني /الكريمات الخاصة بلاير كيك والكيك ديزاين 

🌺بالنسبة للاير كيك ممكن ضيفو ليه اي كريمة كتفضلو لاموس أو كناش أو كريمة زبدة أي كريمة ممكن تعملوها فيه كحشوة وتغلفوه بيها من برا لأنها كتبقا فثلاجة عكس كيك ديزاين لي كبقا برا ثلاجة أو ممكن تغلفوها أيضا بكناش تغليف باش تعطيكم شكل أنيق أكتر  

🌺أما بالنسبة الكريمات الخاصة بالكيك ديزاين لازم تكون كتصبر خارج ثلاجة مدة 24 ساعة لأن الكيك ديزاين مغلف بعجين السكر أو عجين الشكلاط ممنوع ادخلو الثلاجة إلى ادا كانت عندكم ثلاجة ممتازة كتوزع البرودة بشكل جيد و مفيهاش الرطوبة اما الثلاجة العادية إلى دخلنا ليها لكيك مغلف بالعجين بعدما كنخرجوها كتولي لعجينة كتلصق حيت كتندي وتطلق لما بسبب الرطوبة وكما كتعرفو هي مخدومة بسكر وسكر مع الماء كيدوب لهذا  ممنوع كريمة شانتي أو لاموس اي كريمة كدوب بسبب الحرارة أو تحتوي على بيض نةطيئ قد تصبح سامة إلى بقات خارج ثلاجة اكتر من 3 ساعات لهدا ردو البال فهاد النقطة

الكريمات المسموح بها هي كناش مونطي أو كريمة الجبن لي حطيت فلقناة أو كريمة الزبدة أو كريم موسلين بدون بيض 

هادو هما لكريمات لي كايجيو واقفين مزيان وكصبرو فالكيك ديزاين كما كتعرفو الكيك ديزاين كبقا مدة فوق البوفي أو مائدة التقديم باش نصورو ونتصور معاه ماشي كيف الكيك العادي كيف نخرجوه من ثلاجة نقطعوه وعاد الكيك ديزاين كياخد مدة وحنا كنزينو فيه لهذا ماشي اى كريمة عادية نديروها فيه نتمنى تكونو فهمتو هاد النقطة

♦️كناش مونطي 👇👇

https://youtu.be/ZBTYZuCKPRY

كناش تغليف 👇👇

https://youtu.be/lOzYHeUEAYM

 

♦️ كريمة الجبن يمكن استعمال جبن فيلاديلفيا أو كيري اواي جبن يمكن الاحتفاظ به بدون ثلاجة مثل الفروماج ممنوع جبن العادي لانه كحماض إلى طول مدة خارج ثلاجة

فيديو كريمة جبن فيلاديلفيا مع الطريقة 👇👇👇👇

https://youtu.be/MW77qLj_-t8  

المكونات:

200غ جبن فيلاديلفيا أو مربعات كيري

100 زبدة ممتازة 

50 غ سكر بودرة 

150 غ شوكولا بيضاء

الكمية تكفي لكيك 20 سنتيم

فيديو كريمة الجبن كيري مع الطريقة 👇👇👇👇

https://youtu.be/lOzYHeUEAYM

مكونات كريمة الجبن بالشكولاطة السوداء

المكونات حسب قياس الكيك

كمية لكيك20 سنتيم على 8 فالارتفاع 

3 علب جبن كيري

400 غ شوكولاطة سوداء

كمية لكيك 17 سنتيم 

2 علب كيري

300 غ شوكولاطة سوداء

مكونات كريمة الجبن بالشكولاطة البيضاء

كمية لكيك 20 سنتيم 

3 علب  جبن كيري

450 غ شكلاطة بيضاء

كمية لكيك 17 سنتيم

علبتين من جبن كيري

325 غ شكلاطة بيضاء

ملاحضة:

يمكن إضافة نكهة القهوة أو كراميل أو بيسكوي أوريو مطحون أو براليني أو أي نكهة تفضلون للكريمة

♦️كريمة الزبدة 👇

https://youtu.be/EQhGlNJ2RdQ كريمة الزبدة الروسية  

https://youtu.be/yxxXOoOc4dc  كريمة الزبدة الأمريكية 

https://youtu.be/NNniybxtres كريمة الزبدة السويسرية

♦️كريم موسلين 

https://youtu.be/rdMPoRuQgR8

جميع الكريمات لي نزلت على قناتي 

https://youtube.com/playlist?list=PLzqNrxQtRd1SD1inV4gFO63_LNxeTQmZe

ملاحضة 👈👈 انا كنخدم أغلبيا بكريمة الجبن فالكيك ديزاين لهذا حطيت ليكم فيها المكونات بقياس لكيك اما باقي الكريمات غير كنقدر  معارفاش لعبارات ديالهم لي يكفي بتدقيق

دائما لي خدموتوها كتبوها وقيدو لعبارات هكا غتوليو حافظين كل لقياسات

طريقة الاحتفاظ مذكورة فلي فيديو

الدرس الاول /تعلم الكيك ديزاين مع أسماء

 تعلم الكيك ديزاين مع أسماء 

🔴الدرس الأول

قاعدة الكيك ديزاين ولاير كيك تتكون من كيك جنواز أو مولي كيك أو بسكوي كيكون خاص بطورطات وماشي لكيك العادي لي كناكلو فكل صباح يعني خاصو اكون شاد فراسو ممكن اتقطع لطبقات لأن لكيك لعادي كيكون هش ممكن اطيح لينا لما نملؤوه بالكريمة وتفتت بالنسبة لبنات لي معندهمش مول للكيك أو طراب جبت ليكم كيك ساهل بدون طراب وطريقق سهلة طيبي فيها لكيك أو الجنواز ديال👇
ألذ كيك شوكولا للكيك ديزاين ولاير كيك سهل وسريع

  biscuit chocolat

https://youtu.be/jfJQPiHYv_4

  اليوم فالدرس الأول غنخدمو فيه الجنواز لي هي قاعدة الكيك الديزاين غنحتاجو فالادوات باش نخدموها

طراب كهربائي أو عجانة

مول دائري

ورق المطبخ ( papier cuisson)

إلى كنتي أول مرة غتخدمي الجنواز أو كتخدميها ومكتصدقش ليك لازم تسمعي لهاد النصائح هنا  👈https://youtu.be/dFCZzi2Et0Y

ممكن تخدمو بالجنواز ديالكم المعتاد وبالنسبة للمبتدئات تبعو هاد الجنواز أو المولى كيك 👇👇👇  

♦️مكونات الجنواز حسب قطر المول لي الارتفاع ديالو 10 سنتيم 

جنواز بقطر 15 سنتيم

4 بيضات

125غ سكر خشن

125غ دقيق

جنواز بقطر 18سنتيم 

5 بيضات

150غ سكر خشن

150غ دقيق 

جنواز بقطر 20سنتيم 

8 بيضات

250غ سكر خشن

250غ دقيق

جنواز بقطر25 سنتيم

13 بيضة

500 غ سكر

500 غ دقيق 

دائما خليط لكيك يكون فنصف المول ونصف الثاني غيطلع فيه الجنواز  و دائما نديرو بابي كويسون( papier cuisson) عالي على لمول باش إلى كان لجنواز بغا أزيد ارتفع القا فين اطلع 

♦️الألة الحاسبة لي كتعطي المكونات ديال اي كيك أو جينواز  حسب القطر ديال لمول لي عندكم و الارتفاع لي فيه

هنا👇 https://www.mycake.fr/cakeculette-recette/?type_gateau=10&moule=1&taille1=18&taille2=&taille1_rec=&hauteur=10&volume_eau=&calculer=Calculer+les+proportions+%21&type_calcul=1#recette

♦️طريقة الجنواز  بالشرح المفصل هنا 👈 https://youtu.be/RjsZxakBan8

♦️طريقة المولى كيك هنا 👈 https://youtu.be/OD1G_ryVa-I

⁦♦️⁩جنواز الين كوسطا 

https://youtu.be/2MGbKvwBvPA

جميع الفيديوات الخاصين بتعليم الكيك ديزاين 👇👇

سلسلة تعلم الكيك ديزاين الجزء الاول 👇

https://youtube.com/playlist?list=PLzqNrxQtRd1RyCiaiJHeIt2jWfhl0kUMo

سلسلة تعلم الكيك ديزاين الجزء الثاني 👇

https://youtube.com/playlist?list=PLzqNrxQtRd1T-UWO732BQDvyKL7By-0qS

قياسات الكيك كبقاو من اختياركم يا اما ختخدو طبقة ديال

15 سنتيم الكيك السفلى و العليا  10 سنتيم

أو 20 سنتيم و الكيك العليا 15

اللوازم الاولية لعمل كيك ديزاين

 الأدوات و اللوازم الاساسية التي ستحتاجينها لبداية مشروع كيك ديزاين مربح من البيت أو لتعلم فقط

رابط الفيديو  للحلقة الأولى من  سلسلة تعلم الكيك ديزاين مع أسماء

https://youtu.be/gvZ2UmpOFIU

اللوازم الاولية هي 👇👇👇👇

طراب كهربائي أو من الأفضل  عجانة

ميزان المطبخ

مول أو صنية الفرن مثل التي رأيتم على الفيديو لطهي الكيك الاسفنجي

بابي كويسون (ورق زبدة) 

سباتولا لتوزيع الكريمة وسباتولا لتوزيع الكناش

ملاسة لتمليس عجين سكر بعد التغليف

سكين المنشار لتق سكين المنشار لتقطيع طيع الجنواز أو ادات  تقطيق الكيك

مقياس المتر أو مسطرة لقياس لكيك وصواني الجنواز 

مدلك لعجين سكر

فراشة السيليكون يمكن تعويضها باي مكان غير قابل لالتساق عجين سكر  أو مائدة بلاستيكية للعمل فوقها لكي لا تلتسق لنا العجين عليها مع رش نشا 

ميزان الماء لقياس استقامة الكيك

الصحن الدوار يساعد في تدوير الكيك بسهولة عند توزيع كناش التغليف 

هذه هي الأدوات الأولية والضرورية لعمل كيك ديزان اما باقي الأدوات حسب التزيين المرغوب فيه و باقي اللوازم ستشاهدونها في الفيديو 👇👇👇

#فن_وابداع_مع_أسماء